పుట:భక్తిరసశతకసంపుటము 3.pdf/618

వికీసోర్స్ నుండి
ఈ పుట అచ్చుదిద్దబడ్డది


ప్రాణము లేనిబొంది నినుఁ బ్రార్ధనజేసున మళ్ళి వచ్చునా
ప్రాణము కాళహస్తి పరమాత్ముఁడ సాంబశివ మహాప్రభో.

14


ఉ.

ప్రాణము బొందిలో నిలిచి పాపము పుణ్యము రెండు జేసి యా
ప్రాణము లేచిపోయి యమబాధలఁ జెందితె బొందిపోయి యీ
ప్రాణిసహాయమౌ నవలభంధఋణాదులు దీఱునంతె యా
ప్రాణము లేచి రాదు ఉపకారమె యొక్కటి వచ్చుఁ దోడుగాఁ
బ్రాణికి కాళహస్తి పరమాత్ముఁడ సాంబశివా మహాప్రభో.

15


ఉ.

ఎట్టిఘటంబు లుండినది యెందుకు నెక్కడ నేస్థళాననో
పుట్టినచోటనో బ్రతుకఁబోయినచోటనొ యున్నచోటనో
గుట్టనొ త్రోవనో గుహనొ గుంటనొ చావు నిజంబు బొందికిన్
గట్టిగ కాళహస్తి గణనాయక సాంబశివా మహాప్రభో.

16


ఉ.

పుట్టుక యేడనో సకలభూములఁ ద్రొక్కి చరించు టేడనో
పట్టణ మేడనో యుదకపానము యేడనొ మట్టి యేడనో
గిట్టడ మేడనో మఱి సుఖించుట యేడనొ యుండు టేడనో
గట్టిగ నీ వెరుంగుదువు గాక యితర్లకుఁ జెంది చిక్కునా
వట్టిది కాళహస్తిపతి రుద్రుఁడ సాంబశివా మహాప్రభో.

17


ఉ.

ఎన్నిమహాస్థలంబు లని యెక్కడ చూడను చూచునే భవ
ద్ధ్యానము సేయ కెన్నటికిఁ దైవము నెక్కడ తాను వేదసం