పుట:భక్తిరసశతకసంపుటము 3.pdf/616

వికీసోర్స్ నుండి
ఈ పుట అచ్చుదిద్దబడ్డది


భరణ శశాంకబింబ కళభాసితవిభ్రమ మేరుతారకా
పురజితభస్మలేపనవసుందరసన్నుత నీవెగాక స
ద్గురుఁడవు కాళహస్తి పరమేశ్వర సాంబశివా మహాప్రభో.

7


చ.

ధరధర మేరుచాప ప్రమథాధిప రుద్ర యుపేంద్రతాడనా
గరళగళ త్రినేత్ర ఫణికంకణ శంభుకృశానురేత యో
హరహర శూలపాణి హరిహంస తురంగమ మౌళిరత్న ని
ర్జనుత మూలబ్రహ్మ దనుజాంతక శాంభవిచిత్తచోర శ్రీ
పురహర కాళహస్తి త్రిపురాంతక సాంబశివా మహాప్రభో.

8


చ.

కలఁగని మేలుకొన్నగతి గౌరవమాయప్రపంచకంబులోఁ
గలిసి సమస్తభాగ్యములు గల్గిన నేమి ఫలంబు సంపదల్
నిలువవు దేహమోహములు నీరు మలంబుల మష్టుగుంటలో
మొలచిన నీరుబుగ్గ యిది మోసముజేయును నమ్మరాదు ని
శ్చలముగ కాళహస్తి నిటలాక్షుఁడ సాంబశివా మహాప్రభో.


ఉ.

కాశిపురీశగర్భనవఖండధరిత్రిపతిత్వ మబ్బినా
యాశకు మట్టు లేదు కనకాద్రిసమానధనంబు గల్గినన్
లేశము వెంట రాదు మది కింపుగఁ జేసినపుణ్యపాపముల్
ద్రోసిన బోదు నీకరుణతోయజము ల్వికసించినంతటన్
బాసును కాళహస్తి కఱకంఠుఁడ సాంబశివా మహాప్రభో.


ఉ.

నిల్వవు యెట్టి కాయములు నిల్వవు గోవులు మాయసంపదల్