పుట:భక్తిరసశతకసంపుటము 3.pdf/615

⁠

ద్గురుకరుణాకటాక్షవీక్షణములు గోరని మానవజన్మ మేల యీ ధరణిని కాళహస్తి మహరుద్రుఁడ సాంబశివా మహాప్రభో.

⁠ 3

ఉ.⁠

దక్షిణకాశి గంగ యరుదైన సువర్ణముఖీమహానదిన్ ఇక్షుసుధారసాభ్ధియని యక్షులు తుంబురనారదాదులున్ దక్షులె యైరి సిద్ధులు కృత్థారులు నైన మహాస్థలంబు పం చాక్షరిమంత్రపూరితరసామృతపాత్రులదివ్యక్షేత్ర మో దక్షిణకాళహస్తి ధరణీశ్వర సాంబశివా మహాప్రభో.

⁠ 4

ఉ.⁠

దక్షిణకాశి ముఖ్యనది దక్షిణస్వర్గము పుణ్యక్షేత్ర మై మోక్షము లేనిదీనులకు మోక్షము లిచ్చి తరింపఁజేయ నీ దక్షిణకాశి కేవలము దగ్గఱ నున్నది కంటిమయ్య ప్ర త్యక్షము దేవలోక మని యేర్పడ నేటికి మళ్లి పుట్టె ఫా లాక్షుఁడ కాళహస్తి పరమాత్ముఁడ సాంబశివా మహాప్రభో.

⁠ 5

ఉ.⁠

భూమిని నీసువర్ణముఖి పుట్టెను రెండవవారణాసియై పామరబద్దపాశభవపాపవిమోచనపుణ్యక్షేత్రమై క్షేమము నిచ్చుకర్మముల జెంది యవస్థల గొట్టి వేగ మీ నామసుధారసామృతము నమ్మితి మమ్ములఁ బ్రోవవయ్య మీ ప్రేమను కాళహస్తి మహరుద్రుఁడ సాంబశివా మహాప్రభో.

⁠ 6

చ.⁠

పురహరకుంజరాననసుపుత్ర పవిత్రపితామహార్చితా వరద పరంపరాత్పర దివాకరసన్నిభ నాగకుండలా

⁠