పుట:భక్తిరసశతకసంపుటము 3.pdf/595

వికీసోర్స్ నుండి
ఈ పుట అచ్చుదిద్దబడ్డది

580

భక్తిరసశతకసంపుటము


వరునకు నిచ్చి ముజ్జగమువారలఁ బ్రోచినయట్టి కౌస్తుభా
భరణుఁడు రంగ...

22


చ.

ఉరవడి దేవదైత్యులు పయోనిధిఁ ద్రచ్చఁగ మందరాచలం
బరిదిగఁ గ్రుంగ దాని గమఠాకృతి మీఁదికి నెత్తి కూర్మితో
నరయఁగ దేవపంక్తి కమృతాన్నముఁ బెట్టినయట్టి కౌస్తుభా
భరణుడు రంగ...

23


చ.

ధరణిని జుట్టి చంక నిడి దాఁగినయట్టి హిరణ్యనేత్రునిం
గిరివరమూర్తియై వెదకి గీ టడఁగించి ధరిత్రిఁ గొమ్మునన్
బరగ ధరించి తొంటిక్రియఁ బట్టుగ నిల్పినయట్టి దిట్టభూ
భరణుఁడు రంగ...

24


ఉ.

పొంగుచు నాహిరణ్యకశిపున్ నఖపంక్తిని జీఱి వానిసూ
నుం గరుణించి కాచినఘనుండు ప్రశాంతుఁడు శ్రీనృసింహమూ
ర్త్యంగుఁడు భక్తకోటిఁ గృప నారసి ప్రోచు ఘనుండు సత్కృపా
పాంగుఁడు రంగ...

25


ఉ.

గోలతనంబునం బలిని గోరినయట్టి పదత్రయంబు నా
పాలికి ముజ్జగంబులని ప్రస్తుతిసేయుచు వచ్చి చయ్యనన్
మేలుగ ధారఁ బట్టి బలి మెట్టిన దిట్టగునట్టిపొట్టి యా
బాలుఁడు రంగ...

26


చ.

పరుపడిఁ గార్తవీర్యపరిపంథినృపాలు సహస్రబాహువుల్
తిరముగఁ ద్రుంచి క్షత్త్రియులఁదీవ్రత నిర్వదియొక్కమారు వే