పుట:భక్తిరసశతకసంపుటము 3.pdf/593

వికీసోర్స్ నుండి
ఈ పుట అచ్చుదిద్దబడ్డది

578

భక్తిరసశతకసంపుటము


స్థిరతనయుల్ చెలంగ సతసీకుసుమాభశరీరశోభతోఁ
బరగెడు రంగ...

13


ఉ.

మౌళిమయూరపింఛమును మన్మథకోటివిలాసరూపమున్
బాలరసాలపల్లవముభాతిఁ జెలంగెడి మోవి వేణువున్
దాలతమాలకాననవితానవిహారము గల్గియున్న గో
పాలుఁడు రంగ...

14


చ.

క్షితిని ననేకమార్గములఁ జెందక మర్త్యుఁ డెఱింగి నీవే నా
గతియని పాదపంకజయుగంబును జిత్తములోన నిల్పి సం
తతమును నాశ్రయింప నతిధన్యునిగా నొనరించు నా రమా
పతియగు రంగ...

15


ఉ.

భీతయు వీతవస్త్రయును భిన్నపచస్విని యైనద్రౌపదిన్
జేతులు మోడ్చి మ్రొక్కఁగను శీఘ్రమ మానధనంబు నిల్పుచున్
ద్రాతయుఁ దల్లిదండ్రియును దైవము తానయి యెట్టుగాచె నా
భాతిగ రంగ...

16


ఉ.

వేలుపుఱేఁడు వచ్చి వనవీథుల దూడలఁ బిన్నపాపలన్
మేలుగ నున్నఁ జూచి బలిమిన్ హరియించినఁ గాంచి దూడలుం
బాలుఁడు నై నటించిన కృపాళుఁడు వల్లవతల్లజుండు గో
పాలుఁడు రంగ...

17