పుట:భక్తిరసశతకసంపుటము 3.pdf/581

566

భక్తిరసశతకసంపుటము

క.⁠

నను గావు నను ధరింపుము నను సత్కృప రక్షసేయు నను నేలుము వే నను గలుము లొసఁగి ప్రోవుము నను మన్నింపుమి యెడంద నమ్మితి లక్ష్మీ.

⁠ 82

క.⁠

నిను వేఁడుదు నినుఁ బొగడుదు నిను గొలుతు నినుం దలంతు నిను వర్ణింతున్ నిను సంప్రార్థింతు నినున్ వినుతింతున్ గోర్కు లొసఁగు వేగమె లక్ష్మీ.

⁠ 83

క.⁠

విను తడవేల యొనర్చెదు పెనుజిక్కులఁ జక్కఁజేసి పెనుపుము సిరులన్ దనివోవ నెనరుచూడ్కుల నను గనుఁగొని భక్తజనమనఃప్రియ లక్ష్మీ.

⁠ 84

క.⁠

మదిఁ దలఁచి యర్చనము లి చ్చెద మ్రొక్కెదఁ గీర్తనంబుఁ జేసెద నిదె నీ కొదవించు నన్నివిధులు శు భదములు గావే త్రిలోకపావని లక్ష్మీ.

⁠ 85

క.⁠

సరసిరుహనివాసిని శుభ కరిపంకజహస్తపద్మగంధిని భూతే శ్వరి పద్మిని త్రిభువనసుం దరి నిన్నుఁ దలంతు లోకనాయిక లక్ష్మీ.

⁠ 86