పుట:భక్తిరసశతకసంపుటము 3.pdf/568

వికీసోర్స్ నుండి
ఈ పుట అచ్చుదిద్దబడ్డది

లక్ష్మీశతకము

553


క.

సరసోక్తిసరణి సుందర
తరశతకందప్రసూనదామక మతిభ
క్తి రచించి సమర్పించెదఁ
గరుణం గైకొనుము సిరులు గ్రాలఁగ లక్ష్మీ.

11


క.

ప్రణవాకారిణి విష్ణు
ప్రణయిని ప్రణతప్రజార్తిభంజననిపుణీ
ప్రణుతజన మందిరప్రాం
గణవిలసత్పారిజాతకద్రుమ లక్ష్మీ.

12


క.

వైమానికమానవతీ
స్తోమార్పితకల్పవృక్షసుమమాలామో
దామోదితదివ్యాంగీ
సామాగమగానరసహసన్ముఖి లక్ష్మీ.

13


క.

చారుచరణ సారసలా
క్షారససంలక్షితాంబుజాతేక్షణ వ
క్షోరత్ననికేతన మ
ధ్యారమ్యస్థలిని నతజనావని లక్ష్మీ.

14


క.

మునిరాజరాజవదనా
జనసుమనఃపంకజాతసమదాలిని పా
వనశీలినీ మహాశో
భనశాలిని దీనజాలపాలిని లక్ష్మీ.

15


క.

అమృతసఖీ హిమకరబిం
బముఖీ శరణాగతాతిభరణోరుగుణా