పుట:భక్తిరసశతకసంపుటము 3.pdf/557

542

భక్తిరసశతకసంపుటము

క.⁠

ఆద్యంతరహిత యాగమ వేద్యా ప్రద్యుమ్నవిజయ విక్రమ విష్ణూ మాద్యద్దానవహరణా విద్యానిధి నన్ను గావవే శ్రీకృష్ణా.

⁠ 71

క.⁠

నీమధురాకృతి గాంచఁగఁ గామితమతి నైతిఁ గాన కారుణికవరా ఏమో యని విడనాడక గోమును జెల్లింపవయ్య కొల్చెద కృష్ణా.

⁠ 72

క.⁠

యదుకులకలశాంబుధిశశి సదమలయశ సుప్రకాశ సరసిజనయనా మదనశతకోటిసుందర కదనవిజయ నిగమగేయ ఘనగుణ కృష్ణా.

⁠ 73

క.⁠

నీనామమధురసంబును నానాలుకపైని నిల్ప నతు లొనరింతున్ దీనావన దీప్తానన సూనాస్త్రసమానరూపశోభిత కృష్ణా.

⁠ 74

క.⁠

ఏమనుజుఁడు నీపదయుగ సామీప్యము జేరు నతని సమధికసుకృత శ్రీమద్భాగ్యము నెన్నఁగ సామర్థ్యం బున్నె భువనశాసన కృష్ణా.

⁠ 75

క.⁠

తొలిజన్మపుఁగలుషంబులు కలఁతలఁ బడఁదోఁచె నన్నుఁ గరుణాదృష్టిన్

⁠