పుట:భక్తిరసశతకసంపుటము 3.pdf/551

536

భక్తిరసశతకసంపుటము

క.⁠

వరపరశువుచే నృపతుల శిరముల దునుమాడలేదె శితికంఠనుతా ఖరకరవిస్ఫురదాస్యా కరుణాంతఃకరణ మోక్షకారణ కృష్ణా.

⁠ 38

క.⁠

జనకజను బెండ్లియై ముని వనటలఁ బోఁగొట్టి యసురవర్యుల ననిలో దునిమిన తావకరాఘవ జననకకథన్ సంస్మరింతు సతతము కృష్ణా.

⁠ 39

క.⁠

అతిచంచలంబు నామతి సతతము నీపాదసేవ సలుపఁగ వరముల్ శ్రితపక్షపాతి కోరితి బ్రతికింపవె యాదరించి పావన కృష్ణా.

⁠ 40

క.⁠

సృష్టిస్థితిలయకారణ దుష్టాసురహరణ కలుషతోయధితరణా స్రష్టృముఖదేవవందిత కష్టములను బాపుమయ్య కడువడి కృష్ణా.

⁠ 41

క.⁠

కరుణగలదొరవు నీవని నిరతము నిను నెమ్మనమున నెరనమ్మితి నో పరతత్వరూప నిరుపమ వరరత్నకిరీటహారవక్షా కృష్ణా.

⁠ 42

క.⁠

పూతనప్రాణాపహ నా చేతఃకమలంబునంఁ జేరి యనవద్యు

⁠