లేవో నీవు విరక్తులన్మనుప జాలింబొంది భూపాలురన్‌
సేవల్సేయఁగఁ బోదురేలొకొ జనుల్‌ శ్రీకాళహస్తీశ్వరా!46
మ. మును నేఁ బుట్టిన పుట్టులెన్నిగలవో మోహంబుచే నందుఁ జే
సిన కర్మంబుల ప్రోవులెన్నిగలవో చింతించినం గాన నీ
జననంబే యని యున్నవాఁడ నిదియే చాలింపవే నిన్నుఁగొ
ల్చినపుణ్యంబునకుం గృపారతుఁడవై శ్రీకాళహస్తీశ్వరా!47
మ. తనువెందాఁక ధరిత్రినుండు నను నందాఁక న్మహారోగదీ
పన దుఃఖాదులఁ బొందకుండ ననుకంపాదృష్టి వీక్షించి యా
వెనుక న్నీపదపద్మముల్దలఁచుచు న్విశ్వప్రపంచంబుఁ బా
సిన చిత్తంబుననుండఁజేయ గదవే శ్రీకాళహస్తీశ్వరా!48
మ. మలభూయిష్ఠ మనోజధామము సుషుమ్నాద్వారమో? యారు కుం
డలియో? పాదకరాక్షియుగ్మములు షట్కంజంబులో? మోముదా
జలజంబో? నిటలంబు చంద్రకళయో, సంగంబు యోగంబొ? గా
సిలిసేవింతురు కాంతలన్‌ భువి జనుల్‌ శ్రీకాళహస్తీశ్వరా!49
మ. జలకంబుల్‌, రసముల్‌, ప్రసూనములు, వాచాబంధముల్‌, వాద్యము
ల్కలశబ్దధ్వను లంచితాంబరమలంకారంబు దీప్తుల్మెఱుం
పుట:భక్తిరసశతకసంపుటము 3.pdf/55
ఈ పుట అచ్చుదిద్దబడ్డది
