పుట:భక్తిరసశతకసంపుటము 3.pdf/546

వికీసోర్స్ నుండి
ఈ పుట అచ్చుదిద్దబడ్డది

శ్రీకృష్ణశతకము

531


విందా నందయశోదా
నందా వందనము లోకనాయక కృష్ణా.

10


క.

మాధవ రాధాలోలా
సాధుజనావన యువేంద్ర సదయుఁడవై నా
బాధ లెడఁబాపి బ్రోవర
శోధన జేయకుర నన్ను శుభకర కృష్ణా.

11


క.

పాపాటవీకుఠారా
నీపాలం బడితి దేవ నిగమవినుత నన్
గాపాడ రావదేరా
గోపరిపాలక వినీలకుంతల కృష్ణా.

12


క.

భానుశతకోటితేజా
మానవరూపా ముకుంద మధుమదదమనా
మౌనిసుత సుగుణమహితా
దానవగణనాశ యీశ ధరధర కృష్ణా.

13


క.

ఎందాఁక మొరలు పెట్టుదు
నెందాఁక సహింతు బాధ నెందుకు దయరా
దెందుల కేగితివో గో
విందా దయ మనుపుమయ్య విధినుత కృష్ణా.

14


క.

దీనజనరక్షకా వర
ధీనుత సర్వేశ వరద ధీరశరణ్యా
దీనుని నన్ గావర సుగు
ణా నతసురనాథ సత్కృపాకర కృష్ణా.

15