ట్టము సిద్ధించిన నాసదీఱదు నిరూఢక్రోధమున్‌ సర్వలో
కములన్మ్రింగిన మానదిందుఁగల సౌఖ్యంబొల్ల నీ సేవఁజే
సి మహాపాతకవారిరాశిఁగడతున్‌ శ్రీకాళహస్తీశ్వరా!42
మ. చనువారిం గని యేడ్చువారు జముఁడా సత్యంబుగా వత్తు మే
మనుమానంబిఁకలేదు నమ్మమని తారావేళ నా రేవునన్‌
మునుఁగంబోవుచు బాససేయుటసుమీ ముమ్మాటికింజూడఁగాఁ
జెనఁటుల్గానరు దీని భావమిదివో శ్రీకాళహస్తీశ్వరా!43
మ. భవదుఃఖంబులు రాజకీటముల నేఁ బ్రార్థించినం బాయునే
భవదంఘ్రిస్తుతి చేతఁగాక, విలసద్బాల క్షుథాక్లేశ దు
ష్ట విధుల్మానునె? చూడ మేఁకమెడచంటం దల్లి కారుణ్యదృ
ష్టి విశేషంబుననిచ్చు చంటబలెనో శ్రీకాళహస్తీశ్వరా!44
మ. పవి పుష్పంబగు, నగ్ని మంచగు, నకూపారంబు భూమిస్థలం
బవు, శత్రుండతిమిత్రుఁడౌ, విషము దివ్యాహారమౌ నెన్నఁగా
నవనీమండలి లోపలన్‌ శివశివేత్యాభాషణోల్లాసికిన్‌
శివ! నీనామము సర్వవశ్యకరమౌ శ్రీకాళహస్తీశ్వరా!45
శా. లేవో కానలఁ గందమూలఫలముల్‌ లేవో గుహల్‌ తోయముల్‌
లేవో యేఱులఁ బల్లవాస్తరణముల్‌ లేవో సదాయాత్మలో
పుట:భక్తిరసశతకసంపుటము 3.pdf/54
ఈ పుట అచ్చుదిద్దబడ్డది
