నిను నెమ్మిందగ విశ్వసించు సుజనానీకంబు రక్షింపఁ జే
సిన నావిన్నపమేల గైకొనవయా! శ్రీకాళహస్తీశ్వరా!16
శా. ఱాలన్ ఱువ్వఁగ జేతులాడవు కుమారా! రమ్మురమ్మంచునేఁ,
జాలన్ జంపఁగ నేత్రముల్దివియఁగా శక్తుండనేఁగాను, నా
శీలంబేమని చెప్పనున్నదిఁక నీ చిత్తంబు నాభాగ్యమో
శ్రీలక్ష్మీపతి సేవితాంఘ్రియుగళా శ్రీకాళహస్తీశ్వరా!17
శా. రాజుల్మత్తులు, వారిసేవ నరకప్రాయంబు, వారిచ్చు నం
భోజాక్షీ చతురంతయాన తురగీ భూషాదు లాత్మవ్యథా
బీజంబుల్, తదపేక్షచాలుఁ బరితృప్తింబొందితిన్ జ్ఞానల
క్ష్మీ జాగ్రత్పరిణామ మిమ్ము దయతో శ్రీకాళహస్తీశ్వరా!18
శా. నీరూపంబు దలంపగాఁ దుదమొదల్ నేఁగాన నీవైననున్
రారా! రమ్మనియంచుఁ జెప్పవు వృథారంభంబు లింకేటికిన్
నీరన్ముంపుము, పాలముంపుమిఁక నిన్నేనమ్మినాఁడంజుమీ
శ్రీరామార్చిత పాదపద్మయుగళా శ్రీకాళహస్తీశ్వరా!19
శా. నీకున్మాంసము వాంఛయేని కఱవా? నీచేతలేడుండఁగాఁ
జోకైనట్టి కుఠారముండ ననలజ్యోతుండ, నీరుండఁగా
బాకం బొప్ప ఘటించి చేతి పునుకన్భక్షింప కా బోయచేఁ
జేకొంటెంగిలి మాంసమిట్లుదగునా? శ్రీకాళహస్తీశ్వరా!20
పుట:భక్తిరసశతకసంపుటము 3.pdf/48
ఈ పుట అచ్చుదిద్దబడ్డది