పుట:భక్తిరసశతకసంపుటము 3.pdf/47

వికీసోర్స్ నుండి
ఈ పుట అచ్చుదిద్దబడ్డది

     కొననీ, జ్ఞానముగల్గనీ, గ్రహగతుల్‌ గుందింపనీ, మేలు వ
     చ్చిన రానీ యవి నాకు భూషణములో శ్రీకాళహస్తీశ్వరా!12
శా. ఏ వేదంబుఁ బఠించె లూత, భుజగంబే శాస్త్రముల్చూచెఁ దా
     నే విద్యాభ్యసనంబొనర్చెఁ గరి, చెంచే మంత్రమూహించె, బో
     ధావిర్భావనిధానముల్‌ చదువులయ్యా! కావు! మీపాద సం
     సేవాసక్తియె కాక జంతుతతికిన్‌ శ్రీకాళహస్తీశ్వరా!13
శా. కాయల్గాచె వధూనఖాగ్రములచేఁ గాయంబు వక్షోజముల్‌
     రాయన్‌ రాపడెఱొమ్ము మన్మథ విహారక్లేశ విభ్రాంతిచే
     బ్రాయంబాయెను బట్టగట్టెఁ దల చెప్పన్‌రోఁత సంసారమేఁ
     జేయంజాల విరక్తుఁ జేయఁగదవే శ్రీకాళహస్తీశ్వరా!14
శా. నిన్నే రూపముగా భజింతుమదిలో, నీరూపుమోఁకాలొ, స్త్రీ
     చన్నో, కుంచమొ, మేఁకపెంట్రికయొ, యీసందేహముల్మాన్పి నా
     కన్నారన్భవదీయమూర్తి సగుణాకారంబుగాఁజూపవే
     చిన్నీరేజవిహారమత్తమధుపా శ్రీకాళహస్తీశ్వరా!15
మ. నిను నావాఁకిలి గావుమంటినొ? మరున్నీలాలకభ్రాంతిఁ గుం
     టెన పొమ్మంటినొ? యెంగిలిచ్చి తిను తింటేఁగాని కాదంటినో