ఈ పుట అచ్చుదిద్దబడ్డది
పీఠిక
ఈశతకము రచించినది రావూరి సంజీవకవి. ఈయన పలుగ్రంథములు రచించినటులఁ దెలియుచున్నదిగాన యం దొక్కవసుదేవనందనశతకముమాత్రము లభించినది. రుక్మిణీపరిణయము సంజీవకవి రచించి కర్తృత్వము కొప్పర్తి నరసకవి కారోపించినటు లొకకథ కల్పించిరిగాని యది సంజీవకవికృత మన వీలులేదు. ఈకవి గుంటూరుమండలమునందలి రావూరు నివాసి. సాంఖ్యాయనగోత్రుఁడు. ప్రథమశాఖనియోగిబ్రాహ్మణుఁడు. ఈశతకమునందలి గుణబాణగతిచంద్ర అనుపద్యమువలన వీరనారాయణముకుందశతకము శా. శ. 1653 సరియగు క్రీ. శకము 1731 న రచించినటుల నిశ్చయమగుచున్నది.
ఈకవి సంస్కృతాంధ్రములందుఁ గవితఁ జెప్పగలవాఁడెగాక జ్యోతిశ్శాస్త్రమునందుఁ గూడఁ గుశలుఁడు. సంజీవకవి భువనగిరియందు విద్య నేర్చి కుశలుఁడై కొలనుపాక కేఁగి గోపరాజురాయనామా
