పుట:భక్తిరసశతకసంపుటము 3.pdf/391

వికీసోర్స్ నుండి
ఈ పుట అచ్చుదిద్దబడ్డది

378

భక్తిరసశతకసంపుటము


మారు భజించుభక్తుఁడను మన్ననఁ బోషణఁ జేయరాదె నన్
శౌరి కృపానిధీ ప్రబలశౌర్యహరీ వ...

91


ఉ.

శ్రీధవ మున్ను నీకృపఁ గరిప్రభు ద్రౌపది వాయసాధమున్
యోధవిభీషణున్ శబరి యోగికుచేలుని భీష్మపార్థులన్
మాధవ నారదాదిమునిమాన్యులఁ బ్రోచినపుణ్యమూర్తి న
న్నీధరఁ బ్రోవుమా కరుణ నీశ హరీ వ...

92


ఉ.

భూమి ననేకజన్మములఁ బూనితి నోర్వను జన్మ మెత్త నీ
నామకథాసుధారసము నాలుకఁ గ్రోలితి సేవఁ జేసితిన్
వేమఱు వేఁడికొంటి నను వేదనఁ బెట్టుకుమంటి నీయవే
ప్రేమను నిత్యమైనపదవిన్ గృపతో వ...

93


ఉ.

దోషము పేరి రుగ్మతకుఁ దోయజనేత్ర త్వదంఘ్రిభక్తిసి
ద్ధౌషధమున్ భుజింపఁగ నిరామయదివ్యపదంబు నొంది సం
తోషము జెందితిన్ మనుపు తొందరఁ బెట్టకుమయ్య పాపని
శ్శేషతఁ జేయుమయ్య నిజసేవకుఁడన్ వ...

94


ఉ.

భుక్తియు భక్తియున్ మఱియు భూరికటాక్షముచేత ముక్తియున్
శక్తుఁడవంచు నిచ్చుటకు శైశవకాలమునుండి కొల్తు నా