పుట:భక్తిరసశతకసంపుటము 3.pdf/347

వికీసోర్స్ నుండి
ఈ పుట అచ్చుదిద్దబడ్డది

334

భక్తిరసశతకసంపుటము


మీశ్రమమెల్ల సుమిత్ర యాలించి గా
                    సిలి దుఃఖవారాశి జేరె నొక్కొ
కలకాల మీరీతి గడువంగఁ గాలంబు
                    విని విందు లేమని వెఱచి రొక్కొ
గతకాలమునఁ బండ్లు కానుక యిచ్చిన
                    శబరి యేగతిఁ జింతసలిపె నొక్కొ


తే.

అహహ భద్రాద్రినుండి మీ రరిగి పోల
వరము వేంచేసినట్టి దుర్వార్త వినియు
భద్ర...

64


సీ.

ఆదిభీమునిఁ బెండ్లియాడిన పార్వతి
                    కన్నవస్త్రముల కే మాపదయ్యె
కోరి బాఁపనిఁ జేసికొన్న సరస్వతి
                    కిడుమలు వచ్చెనే యిల్లు లేక
కాళ్లు లేనిఫణీంద్రుఁ గట్టుకొనినయుర్వి
                    కూరు లేదాయెనే యుండుటకును
తనువు లేనివయారిఁ దగిలి రతీదేవి
                    సుఖపడదాయెనే సురలు మెచ్చ


తే.

భళిర మీవంటిప్రభుఁ జెట్టవట్టి సీత
సకలవెతలకు లోనయ్యె సరవితోడ
భద్ర...

65


సీ.

పొరుగూళ్లవెంబడి తిరుగుచునుండు ల
                    క్ష్మీదేవి కేయపకీర్తి వచ్చె
సభలలో నేప్రొద్దు సంచరించుచునుండు
                    వాణి కే మపకీర్తి వచ్చె జగతి