పుట:భక్తిరసశతకసంపుటము 3.pdf/340

వికీసోర్స్ నుండి
ఈ పుట అచ్చుదిద్దబడ్డది

భద్రగిరిశతకము

327


తే.

వవని తెల్లనివెల్లఁ బా లనుచు నమ్మి
మోసపోతిరి గర్వంబు మొదల దొట్టి
భద్ర...

48


సీ.

అగ్నివర్ణాదివీరాగ్రేసరులకంటె
                    మిక్కిలె సొర్దాదు లక్కజముగ
వృశ్చికరోమాదివీరుల కినుమడే
                    సిఫిరుషెంషేరులసిద్ధఫలము
ఇంద్రజిత్తాదుల కెక్కుడే తలపోయ
                    ధరణిలోఁ బలుగుముుందాను లరయ
యవనరాక్షసమాయ కధికమే లెక్కింప
                    మొగలాయిమర్మంబు మొగి దలంప


తే.

పొసఁగఁ ద్రేతాయుగంబు రక్కసులకంటఁ
గలియుగమునాఁటితుర్కలు ఘనమె మీకు
భద్ర...

49


సీ.

కపులచేఁ గఱపింప చపలదైత్యులు గారు
                    జెంజెరి హుక్కాల చెడుగుదొరలు
రాళ్ల చే నడపింప రాక్షసావళి గాదు
                    పడినెన్న బారుజవానుగములు
లగ్గలు పట్టింప లంకాపురము గాదు
                    మహిని జాఫరగడిమహలుగాని
పిలిచి కొల్వీయ విభీషణుం డిల గాఁడు
                    బిగిగల్లు నలయారుబేగుగాని


తే.

చేసితివి మ్లేచ్ఛజనముతోఁ జెలిమి వెఱపుఁ
గఱపఁ బూనియు వెఱచినక్రమము దోఁప
భద్ర...

50