పుట:భక్తిరసశతకసంపుటము 3.pdf/319

వికీసోర్స్ నుండి
ఈ పుట అచ్చుదిద్దబడ్డది

306

భక్తిరసశతకసంపుటము


తాటకభంజన తాపసరంజన
                    పరమనిరంజన బహుపరాకు


తే.

భద్రగిరినాఁడె వచ్చు నీపౌరుషంబు
విశ్వవిఖ్యాతి సేయక విడువ నింక
భద్ర...

2


సీ.

పదియు రెండేడుల ప్రాయంపువాఁడవై
                    మించి తాటక నెట్లు త్రుంచినావొ
రణశూరు లగుదైత్యగణములఁ బరిమార్చి
                    కౌశికసవ మెట్లు గాచినావొ
తరములఁబట్టి యెత్తఁగరాని హరువిల్లు
                    చెఱకుకైవడి నెట్లు విఱిచినావొ
సంగరరంగవిశారదుం డైనభా
                    ర్గవరాము నేరీతి గడపినావొ


తే.

కాని తెలియద యప్పటిక్రమము దెలుప
తురకదొరలన్న భీతిని నురుకుదొరవు
భద్ర...

3


సీ.

కాకంబు గాదు వేగమ బాణ మెక్కించి
                    కావు కా వనిపించి కాచి విడువ
ఉదధి గా దవనిపై నుప్పొంగఁగాఁ జూచి
                    బాణాగ్రమున నిల్పి భక్తి బ్రోవ
చిత్రమృగము గాదు సీత మెప్పులకునై
                    వెంటాడి వనవీథినంటి తఱుమ
పుడమి నెన్నఁగఁ గబంధుఁడుగాఁడు భుజలతల్
                    నఱకి పాఱఁగ వైవ సరకుఁగొనక