పుట:భక్తిరసశతకసంపుటము 3.pdf/261

వికీసోర్స్ నుండి
ఈ పుట అచ్చుదిద్దబడ్డది

250

భక్తిరసశతకసంపుటము


చ.

వనజదళాక్ష నన్నుఁ బెరవానిగఁ జూచెద వేల నీవు గ్ర
క్కున దయజూచి నామదిని గోరిక దీర్ప వదేమి నేను జే
సినబలుతప్పు లే మిపుడు చేతులు జాచి నమస్కరించెదన్
గనికర ముంచి నేరములఁ గావుము ధ...

99


చ.

నరహరి నీపదాబ్జములు నాహృదయంబున నిల్పి లెస్సగా
మురియుచు నే స్మరించెదను మోక్షము లిచ్చెడిదాత వంచు సుం
దర నిను మానఁజాలఁ బరదైవములం గొనియాడనేర న
న్నరమరసేయకయ్య దనుజాంతక ధ...

100


ఉ.

ఓకరుణాసముద్ర పురుషోత్తమ నీపదపంకజంబులున్
నాకు మహాధనంబు శరణాగతుఁడన్ ననుఁ జేతఁబట్టుమీ
నే కపటాత్ముఁడన్ బరమనీచుఁడ నేరము లెంచఁబోకుమీ
చేకొని తప్పులన్ని క్షమ జేయుమి ధ...

101


చ.

పరమమృదుత్వమైన పదపంకజముల్ నిరసించు శ్రీరమా
కరముల కబ్బినట్టి త్రిజగంబులవారల కిష్టమైన నీ
చరణసరోజయుగ్మములు చయ్యన నాశిరమందు నిల్పి నా
దురితములన్ని దూరముగఁ దోలుము ధ...

102


చ.

తరణిసరోజనేత్ర వరదాతవు నీ వనుచుం దలంచి నీ
చరణము లాశ్రయించితిని శాశ్వతమైనవరంబు లిమ్ము విూ