పుట:భక్తిరసశతకసంపుటము 3.pdf/250

వికీసోర్స్ నుండి
ఈ పుట అచ్చుదిద్దబడ్డది

నృకేసరిశతకము

239


చేలుగ మిమ్ము నిత్యము భజించుచు నమ్మినఁ జాలు ముక్తి చం
డాలునకైనఁ గద్దు గరుడధ్వజ ధ...

51


చ.

ఇలను మనుష్యజాలమున నెక్కువతక్కువ లున్నవన్నచోఁ
గులముల శ్రేష్ఠ మెవ్వరిది కొంచెము గానఁగరాదు వారు ని
ర్మలినశరీరులో గుమగుమా యనుకుక్షిని గందమున్నదా
తెలిసిన నిండుభక్తులె సుధీరులు ధ...

52


ఉ.

కేశవ మీకథల్ మిగులఁ గీర్తనఁజేయుచుఁ గామ్యమైన దు
ష్పాశము గోసివేసి నిజభక్తి విరక్తి సుబుద్ధి జ్ఞానముల్
వాసిగ సంగ్రహించినభవజ్ఞను లేకులమందుఁ గల్గినన్
నే శరణందు వారలకు నిక్కము ధ...

53


ఉ.

శాంతము సత్యవృత్తి ఘనసాధుతయున్ గరుణాసమృద్ధి వి
శ్రాంతిగ భక్తి జ్ఞానము విరక్తి సదావననామకీర్తనల్
భ్రాంతి సుబుద్దు లేజనునిపాలఁ జెలంగునొ వాఁడె దివ్య వే
దాంతులకన్న శ్రేష్ఠుఁడు కృతార్థుఁడు ధ...

54


చ.

భ్రమరము కీటకంబు నొగిఁ బట్టుకవచ్చి నిజస్వరూపమున్
సమముగఁ జేసినట్లు ఘనసజ్జను లైనమహాత్ములున్నఁ బా
పమతులఁ జేరఁబిల్చుకొని భక్తులఁ జేయరె నిశ్చయంబుగన్
విమలసరోజలోచన వివేకులు ధ...

55