పుట:భక్తిరసశతకసంపుటము 3.pdf/246

వికీసోర్స్ నుండి
ఈ పుట అచ్చుదిద్దబడ్డది

నృకేసరిశతకము

235


యేనుఁగు నెక్కి దిడ్డి చొర నీఁగుదు నెట్లు మహానుభావ నీ
వే నను జేతఁబట్టు మని వేఁడితి ధ...

34


ఉ.

రేయుఁబవళ్లు ని న్ననుసరించిన నీదయ బుట్టదెందు క
న్యాయముఁ జేయసాగితివి నాయపరాధము లేమిరా జగ
న్నాయక నీవు నన్నుఁ గఠినత్వము మై గన ధర్మమౌనొకో
తోయజనాభ యెంతకని దూరుదు ధ...

35


ఉ.

ఎవ్వరివద్ద కేఁగుదు నిఁ కెవ్వరితో మొఱబెట్టుకొందు నే
నెవ్వరి నాశ్రయించెద నీఁ కెవ్వరు చింతలుదీర్చువారు న
న్నెవ్వరు చేతఁబట్టెద రిఁ కెయ్యెది తోఁచదు నీవుదప్ప నా
కెవ్వరు గానరారు జగదీశ్వర ధ...

36


ఉ.

ఏమిర నారసింహ యిపు డెందుకు నీదయ రాదు నాయెడన్
బ్రేమను సారెసారెకును బిల్చినఁ బల్కవదేమిరా పరం
ధామ భవత్పదాబ్జములు ధ్యానము జేయుదురా ముకుంద నీ
మోమిటు జూపరా భువనమోహన ధ...

37


ఉ.

నానరసింహ నాధనమ నాయిలువేలుప నామనోహరా
నీనగుమోముఁ జూపర మునిస్తుత నిన్ను గణించుచుంటిరా
దీనతనొంది వేఁడఁగను దిప్పలఁ బెట్టక నన్నుఁ గావరా
నేను పరుండనౌర గణియింపర ధ...

38