పుట:భక్తిరసశతకసంపుటము 3.pdf/217

వికీసోర్స్ నుండి
ఈ పుట అచ్చుదిద్దబడ్డది

206

భక్తిరసశతకసంపుటము


జెఱువుల నున్ననక్రములఁ జెందఁగవచ్చు ఫలం బదేమి నీ
స్మరణము జేయఁగా దొరకు సద్గతి యా...

29


ఉ.

ధారుణిలోన దుష్టు లగుతాటక పూతన దుష్టకంసునిన్
భూరిబలాఢ్యు రావణుని పృథ్విభయంకరుఁ గాంచనాక్షునిన్
శూరుఁడు హేమకశ్యపుని సోమకదైత్యులనెల్లఁ ద్రుంచియున్
గారణ మెంచి శిష్టులను గాచిన యా...

30


ఉ.

ధాత మహేశ్వరున్ నరుని దంతిపతిన్ విదురార్కసూనులన్
బ్రీతిని వాయుపుత్రకు విభీషణు వాయసదానవాధమున్
నాతి యహల్య ద్రౌపది జనంబుల సద్దయఁ జూచినట్లు నన్
బ్రీతి మెయిన్ గణించఁ గదవే హరి యా...

31


ఉ.

శ్రీహరి యంచుఁ బిల్చితిని శీఘ్రమ పల్క వదేమి పాపమో
ద్రోహములం గలంతు వని తొల్తనె వేఁడితి కూర్మితి లేదొకో
సాహసశౌర్యధైర్యగుణసంయుతుఁ డీతఁడు గాఁ డటంచు సం
దేహము నొందెదేని యిఁక దిక్కెది యా...

32


ఉ.

భక్తి మనంబునన్ నిలుప భాగవతుండ ధ్రువుండ నౌదునా
రక్తిని గీర్తనల్ సలుప రమ్యగుణుం డగునారదుండనా
యుక్తిని శాస్త్రసంతతుల నొప్పుగఁ జేయఁగ వ్యాసమౌనినా
శక్తివిహీనమానవుఁడ సాకవె యాదగిరీంద్ర మ్రొక్కెదన్.

33