పుట:భక్తిరసశతకసంపుటము 3.pdf/203

లేమి మాయావిద్య లేమిలేదనువాఁడు
ఘనుఁడుగాఁ డతఁడు కుంచనుఁడుగాఁడు
గీ. అనుమతంబైన జగము లేదన్నవాఁడు
బంధమోక్షద్వయంబులఁ బడనివాఁడు
రమ్యగుణధామ భద్రాద్రిరామ సత్య
కామ కరుణాలలామ లోకాభిరామ.

99. సీ. ఈయుత్తబట్టబై లేమిలేదనుస్వధా
పరిపూర్ణమై యుండు బ్రకృతిలెదు
కలలోనఁ గనుఁగొన్న గజమేమి లేనట్టి
యెఱుఁగశరీరము నేమిలేదు
ఇదిగురువాక్యంబు నింతకంటెను మహా
వాక్యరహస్య మెందైనలేదు
ఇదిరాజమార్గంబు నిది యనాయాసంబు
నిది భ్రాంతిరహితంబు నిది స్థిరంబు
గీ. నిదియు నమ్మినవారికే యెగ్గులేదు
లేదు జన్మంబు మరణంబు లేదు లేదు
రమ్యగుణధామ భద్రాద్రిరామ సత్య
కామ కరుణాలలామ లోకాభిరామ.

100. సీ. భారతీపతి రమాపతి పార్వతీపతి
వాసవాద్యఖిలదేవతలయందు
మానవాశ్వగవాది మశకపిపీలికాం
తము జీవులందుఁ జైతన్య మొకటి
యట్టిచైతన్యమే యాత్మబ్రహ్మం బను
పదముకు లక్ష్యార్థభావ మిదియుఁ
గమలజాదిపిపీలికాంతశరీరముల్
వాచ్యార్థ మని వాని వదలితేని