పుట:భక్తిరసశతకసంపుటము 3.pdf/147

వికీసోర్స్ నుండి
ఈ పుట అచ్చుదిద్దబడ్డది

136

భక్తిరసశతకసంపుటము


ఉ.

నీయధరామృతంబు కడునేర్పున గ్రోలెడు వేణు వెంత తా
నేయెడ జేసెనో తపము లెవ్వరు యెంతురు దానిమేలు నా
కాయము వ్యర్థమాయె దగ కఱ్ఱ ఘనంబునఁ బోలదాయెనో
నాయన యేలవయ్య విడనాడకు శ్రీ...

285


ఉ.

అప్పుడు సత్యభామ విరహానల మోర్వఁగలేక క్రోధయై
నిప్పులురాలుకోపమున నీమహిమల్ గననేరక న్మదిన్
దప్పు లెఱుంగకన్ శిరము దన్నినఁ బట్టవె దానిపాదము
న్నొప్పులకుప్ప నీచరితము ల్విని యెన్న దరంబె యేరికో
యప్ప గుణాలకుప్ప దయ నారయ శ్రీ...

286


మ.

జలజాతప్రభవాదులైన మదిలో జర్చింపఁగా కాని నీ
బలవిభ్రాజితరూపశోభనకళల్ భావింప నే నెంత నా
పలుకుల్ దబ్బరగాఁ దలంపక దయన్ భావించి రక్షించు శ్రీ
లలనానాథ సనాథ మాధవ మహారాజా రమావల్లభా.

287


ఉ.

మారునిఁ గన్నయట్టిసుకుమార మహారణశూర ధీర నీ
పేరు దలంచుమాత్ర భవపీడలు బాఱవె మేఘరాజి బె
న్మారుతవిక్రమంబున సమాగమమై వడి బాఱుకైవడిన్
దూరమునున్న వేఁడి భుజదోర్బల శ్రీ...

288