పుట:భక్తిరసశతకసంపుటము 3.pdf/137

వికీసోర్స్ నుండి
ఈ పుట అచ్చుదిద్దబడ్డది

126

భక్తిరసశతకసంపుటము


న్నొప్పిన కీర్తిఁ బోవిడువనొప్పునె యెప్పటికైనఁ జెప్పు నా
తప్పుల నెన్నఁగాఁదగునె దాతవు శ్రీ...

245


ఉ.

కారులు బల్కినాఁడ నని కాదుర కోపము నీకు నెయ్యెడన్
గారులు గావు నీకరుణగన్న కుమారుఁడ యెట్లు బల్కిన
న్నేరము లేదు భక్తజననీరధి దాశరథీ కృపానిధీ
వేఱుగఁ జేయబోకు కడువెఱ్ఱిని శ్రీ...

246


చ.

పలుకవు యేమిపాప మిది పంతము సేయుట కెంతవాఁడ నీ
పలుకు వినంగ భ్రాంతి వలపక్షము భక్తులలోనఁ గూడునా
పలుకవు తొల్లి ద్రౌపదికి వారణరాజముకు న్గుచేలుకు
న్నలుకలిఁ కేల వేగ పలుకాడర శ్రీ...

247


ఉ.

పాపము గాదె నన్ను వలపక్షము సేయుట భక్తకోటిలో
యోపరమాత్మ నీకు శరణో యని వేఁడినఁ జూడవేమి యీ
కోపము కేమి కారణము కూటికెకా నిను నింత వేఁడ నా
లోపము లెన్నఁబోకు మదిలోపల శ్రీ...

248


ఉ.

పుట్టినవారలందఱును బొట్టకెకా నిను వేఁడ ధాత్రిలోఁ
బుట్టఁగనేల పుట్టి మఱి బూడిదెపాలుగఁ గాఁగ నేల యే
పట్టున బుట్టలే ననుచుఁ బట్టితి నీపదపంకజాతమున్