పుట:భక్తిరసశతకసంపుటము 3.pdf/132

వికీసోర్స్ నుండి
ఈ పుట అచ్చుదిద్దబడ్డది

శ్రీరమణీమనోహరశతకము

121


పుడమిని భక్తవత్సలతఁ బోల్పు జెలంగనుగాదె గావునన్
దడయక నన్ను బ్రోచుటలు దల్చర శ్రీ...

226


శా.

సీతావల్లభ రామదాశరథి యక్షీణప్రభావోదయా
భూతాత్మా కమలాలయాప్రియ మహాపుణ్యాత్మ విద్వన్నుతా
దాతా రాఁగదవే విధాతృజనకా దామోదరా మాధవా
చేతోమోద మెసంగ నన్ను కరుణం జేపట్ట నోమావరా.

227


ఉ.

మానితమైన నీదుసుకుమారము మాయలతావితానముం
గానఁగఁజాలినట్టి మునిగాని భవాబ్జభవాదు లైననుం
గాని నభంగి నిన్నుఁ బొడఁగానఁగ వేఱొకమార్గ మున్నదే
యీ నను నేలఁ గాదనకు మీశ్వర శ్రీ...

228


ఉ.

అంచను నెక్కి యాడు కమలాననుఁ డాత్మభవద్విలాసమున్
నెంచఁగనేరక న్భ్రమసి యేదిఁక నేదొ యెఱుంగలేక రా
యంచపయి న్నభంబున విహారము జేసెనుగాని మాయచే
మించిన నీమహామహిమ మేలుగనంగను జాలెనయ్య నే
నెంచఁగ నెంతవాఁడ దయ నేలర శ్రీ...

229


చ.

నిరతము షడ్వికారములు నిర్మలమామకమానసంబనే
తరువును నాశ్రయించి నిజధర్మముచేఁ బెనుపొందనీక తా