పుట:భక్తిరసశతకసంపుటము 3.pdf/130

వికీసోర్స్ నుండి
ఈ పుట అచ్చుదిద్దబడ్డది

శ్రీరమణీమనోహరశతకము

119


ఉ.

నాఁడు యశోదయొద్ద వ్రజనారులు నీసుతుఁ డెల్లదొంగ పూ
బోఁడి మరల్ప వేమి యని బోటులు సూటిగఁ బల్క నప్పు డా
జాడ యెఱింగి తల్లి చెయిఁ జాచి నినున్ దను బట్టికొట్టఁబోఁ
జూడఁగ భీతినొంది క్రియఁ జూచుచుఁ గొట్టకుమంచు నన్న నీ
జాడయుఁ గానరే సతులు జాణలు శ్రీ...

219


చ.

చెలివని పాండవేయులు నిజేశ్యుడవంచును గోపికామణుల్
బలియుఁడవంచుఁ గౌరవులు బాలుఁడవంచును నందభార్యలున్
వలచితిమంచు గోపికలు వల్లభుఁడంచును రాధికాదులున్
దలఁచిరి గాని యిందిరకు దాచినచుట్టమపై జగంబులున్
గలుగఁగఁజేయు దైవమని గాంచిరె శ్రీ...

220


చ.

అతిబలవంతుఁడైన వినతాత్మజు నెక్కి సమస్తలోకముల్
చతురతచే మహామహిమ జాలముచేఁ బెనుమాయబెంపుచే
నితరము లేక యేలునిను నేర్తురె సన్నుతినేయ శ్రీసతీ
పతి పరమాత్మ భవ్య గుణభాసుర శ్రీ...

221


చ.

సిరికిఁ దొలంగి కారడవి సీతను గూడి చరించుటెల్ల నీ
ధరణి విలాస మొప్పనెకదా సరసీరుహనాభ నీమహో