పుట:భక్తిరసశతకసంపుటము 3.pdf/129

వికీసోర్స్ నుండి
ఈ పుట అచ్చుదిద్దబడ్డది

118

భక్తిరసశతకసంపుటము


చ.

సురుచిరమైన నీచరణశోభనశంఖహలాదిరేఖలున్
బరువడి చిహ్నలై పరగు భాగ్యము మస్తకరాజి నొప్పి పెం
పరుదు ఘటించు కాళియఫణావళి పుణ్యము లేమి జేసెనో
తరమె గణింప నాఫలము ధాతకు శ్రీ...

215


ఉ.

దారుణకంటకవ్రజము దట్టపుమెట్టలు చిట్టిరాలునున్
గ్రూరము లైనజంతువులు కేళియొనర్చెడుకానలోన నీ
చారుతరాంఘ్రియుగ్మములు జక్కఁగను న్నటియించుభాగ్యమున్
భూరిగుణాఢ్య యెంచగను బోలునె శ్రీ...

216


ఉ.

కేలను బర్వతంబు గొని కేలి యొనర్పుచు జాలవృష్టి బెం
జాలము మారుతప్రభ విశాలము లీలయుఁ దాఁకకుండ గో
పాలుర గోపికామణుల బాలుర గోవుల గోపవృద్ధుల
న్నేలి శచీపతిన్ జగము నిందయొనర్పఁగఁ జేసినట్టి నీ
లీలల నెంచ నాతరమె లేశము శ్రీ...

217


ఉ.

పాలును వెన్నలెల్లఁ గడుపారఁగఁ గ్రోలి వ్రజాంగనామణీ
జాలముతో రతీరమణుసంగరమందు మహావినోదలీ
లాలసదృగ్విలాసఘనలాలితలోలుఁడవై చెలంగుగో
పాల భజింపఁజాల నిను భవ్యుఁడ శ్రీ...

218