పుట:భక్తిరసశతకసంపుటము 3.pdf/121

వికీసోర్స్ నుండి
ఈ పుట అచ్చుదిద్దబడ్డది

110

భక్తిరసశతకసంపుటము


కల్లలు దెల్లమై జెలఁగఁ గాలమెఱింగియు మద్దివృక్షముల్
బెల్లుగఁ గుంకుటు ల్బెకలి పృథ్విని జాలఁగ రోలు నీడ్వవే
నల్లనిబాలకృష్ణ నిను నమ్మితి శ్రీ...

183


ఉ.

ఘోరపుపాము మ్రింగుటకుఁ గోఱలు సాచియు నౌళ్లు గీట నా
భారము కోర్వలేక వ్రజబాలలు శ్రీహరి నందనందనా
సారసనేత్ర శౌరి సురసన్నుత కావుమటంచు వేఁడ నా
భార మడంపవే దనుజభండన దాని విదల్చి గోపకుల్
గోరిన కోర్కె దీర నృపకుంజర శ్రీ...

184


ఉ.

అందము నబ్బురంబు ఫలమందుట కెల్లను నిబ్బరంబు గో
విందునియంఘ్రియుగ్మ మరవింద మరందము డెందమందు నా
నందము సందడింప రుచి నానుచు జిహ్వకుఁ దృప్తి నింప మేల్
జెందఁగఁ గ్రోల గోరికలు చెందవె శ్రీ...

185


ఉ.

లేదని భక్తు లెంతకడులేమిని వేఁడిన వారి కియ్యంగా
రాదను దుర్ణయప్రజలరాయిడి బాపి ధనంబు లిత్తు నీ
దే దయ యింతె కాని మఱి యెందుకు మాయలు యెంత వేఁడిన
న్బోదు పురాకృతంబు ఘనపుణ్యుఁడ శ్రీ...

186


ఉ.

స్నానము సేయలేను కడుసంధ్యజపంబులు బూనలేను నీ
మానితరామనామఘనమంత్రము లన్ని వచింపలేను బ