పుట:భక్తిరసశతకసంపుటము 3.pdf/120

వికీసోర్స్ నుండి
ఈ పుట అచ్చుదిద్దబడ్డది

శ్రీరమణీమనోహరశతకము

109


కందసుకందసూనములఁ గల్పితమాల లురంబుఁ గప్ప రా
కేందుకళాకదంబము ముఖేందుసుబింబమునందు నందమై
విందులుసేయు నందసతి వేడుక గాఢము గాఁగ నాడు నీ
సుందరమందహాసమును జూపర శ్రీ...

179


శా.

మందారంబులు మంచిగంధతరులు న్మాకందము ల్గల్గు కా
ళిందీప్రాంతవనంబులో నపుడు కేళీగానమున్ సేయ నా
చందంబంతయు నాలకించి మరుశస్త్రాగ్ని న్నిమగ్నాంగలై
పొందంజాలిరి నిన్ను గోపికలు నింపొందన్ రమానాయకా.

180


ఉ.

అంబుజనేత్ర నీదుకరుణామృత మార్జనసేయువాఁడు మే
లంబరహేమభూషణగజాశ్వసుకాంతుల వింత లొందియున్
పంబినవేడ్క కీర్తిసతిపానుపుపై వెలుగొందునయ్య నీ
లాంబుజసన్నిభా తెలియ నౌనిది శ్రీ...

181


ఉ.

కాననసీమ గోవులను గాచెడువేళ దవాగ్నికీలలున్
భూనభము న్మహాభయము బొంది వెలుంగుటఁ జూచి గోపకుల్
దీనత నొంద నీ వపుడు దెప్పరమైన మహాగ్ని మ్రింగి యా
దీనులఁ బ్రోవవే కరుణఁ దెల్పుచు శ్రీ...

182


ఉ.

తల్లియు రోటఁ గట్టఁ గడుతల్లడమందినరీతిఁ జూపి నీ