పుట:భక్తిరసశతకసంపుటము 3.pdf/118

వికీసోర్స్ నుండి
ఈ పుట అచ్చుదిద్దబడ్డది

శ్రీరమణీమనోహరశతకము

107


చ.

నుతి నినుఁ జేయువారలను నొప్పుగ నేలేదొ సేయనేరకన్
బ్రతికినవారి బాములకుఁ బాల్పడఁజేతువొ యిట్టిదానికే
పతితులఁ బ్రోచు నీబిరుదుపాటి నటింపదు రాత్రి గావునన్
జతురము గాదు యివ్విధము సల్పుట శ్రీ...

171


చ.

అడవులఁ గొండలం బడిన నాకలమున్ దిను జంతుజాలమున్
బడిబడి నిన్ను నేనుతులు భాసిలఁజేసెను వాని బ్రోవవా
బుడబుడమాట లేమిటికి భూరిగుణాఢ్య సనాథజీవులన్
దడయక బ్రోచుటే బిరుదుఁ దాల్చుట శ్రీ...

172


చ.

మునులును వృక్షమూలముల ముక్కులు మూసుక సంతతంబు హృ
ద్వనజములందు నీమహిమ వర్ణనఁజేసి జపించువారలన్
ఘనముగ బ్రోచి తీవో జపకర్మ మెఱుంగనివారి బ్రోవవో
మనుజవరేణ్య!నీకును సమంబు సమస్తము నెంచి చూచితే
ఘనమును గొద్దియుం గలదె గానరు శ్రీ...

173


మ.

మునిపత్నుల్ దగ నీకు నన్న మిడిన న్మోదించి మోమాటివై
ఘనవైకుంఠపదం బొసంగితి వనంగా విందు శాస్త్రార్థముల్
ఘనమా లంచము గ్రోలి బ్రోచుటలు నోకంజాక్ష నా కెంతయున్
ధనమున్ లేదు నొసంగ నేమిగతి రాధానాథ శ్రీవల్లభా.

174