ఈ పుట ఆమోదించబడ్డది
- 1.పాపం
- బైబులు భాష్యం -5
- 1.పాపం
- మనవి మాట
- ప్రస్తుత సంచికలో 1-33నంబర్లు పాపాన్నిగూర్చి పూర్వవేదం సూచించేభావాలను పేర్కొంటాయి. వీనిలో 1-11 నంబర్లు ఆదికాండంలోని భావాలను 12-32 నంబర్లు ప్రవక్తల ప్రవచన గ్రంథాల్లోని భావాలను వివరిస్తాయి. ఇక 34-61 నంబర్లు పాపాన్ని గూర్చి
నూత్న వేదం సూచించే భావాలను పేర్కొన్నాయి. వీనిలో34-42 నంబర్లు మూడు సువార్తల్లోని భావాలను, 43-49 నంబర్లు యోహాను రచనల్లో భావాలను, 50-61 నంబర్లు పౌలు లేఖల్లోని భావాలను వర్ణిస్తాయి. ఇదీ విషయ విభాగం.
- 1. మీరు ఆ చెట్టు పండు మాత్రం తినకూడదు. ఆది 3,3
- ఆది దంపతులు ఏం పాపం చేసారో తెలీదు. బహుశ ఆదికాండం వ్రాసినరచయి కూడ తెలీదు. కాని వాళ్ళుమాత్రం దేవుని ఆజ్ఞ మీరారు. దేవునిపట్ల అవిధేయత చూపారు.ఆదా మేవలు చూపాన ఈ యవిధేయతను ఆదికాండం వ్రాసిన రచయిత ఓ కథలాగ
వర్ణించుకుంటూ పోయాడు. కథలా చెప్తేగాని ఆ ప్రాచీన కాలపు హీబ్రూ ప్రజలకు విషయం బోధపడదు.
- అన్ని చెట్ల పండ్లూ తినవచ్చుగాని, తోట నడుమనున్న చెట్టు పండ్లు మాత్రం తిన కూడదు ప్రభువు ఆది జననీజనకులకు ఆజ్ఞయిచ్చాడు. కాని ఆ చెట్టు పండు ఏవకు యింపుగా కనిపించింది. దాన్ని తింటే తెలివితేటలు కల్గుతాయికాబోలు అనిపించింది. కావున ఆమె స్వయంగా పండు కోసుకొని తింది. భర్త చేత తినిపించింది- ఆది 3,6. ఇది ఆదామేవల అవిధేయత. ఇదే తొలిపాపం. ఇక్కడ, ఆదామేవలుతినకూడని పండు తిన్నాని మనం నమ్మనక్కరలేదు. కాని దేవుని కట్టడమీరి యేదో చేసారని మాత్రం నమ్మాలి.
- నరుడు పాపం చేసినప్పుడెల్ల దేవుని పట్ల అవిధేయత చూపుతుంటాడు.మన పాపాలూ అవిధేయతను చూపుతాయి గనుక, వాని తలంచుకొని పశ్చాత్తాపపడదాం.
- 2. దేవునిలాగే మీరూ మంచి చెడ్డలు తెలిసికుాంరు - ఆది 3,5
- తినవద్దని పండు కోసికొని తినినంత మాత్రాన్నే ఆదామేవలు అంత పెద్ద పాపం చేసారా అని మనం ఆశ్చర్యపోతాం. కాని ఇక్కడ పండు తినడంకాదు, ఏ వుదేశ్యంతో ఆ పండు తిన్నారు అన్నది ప్రధానం. ఆ పండు తిన్నట్లయితే దేవునిలాగే మీరూ మంచి చెడ్డలు తెలిససికుంటారని పాము చెప్పింది, కనుక మంచి చెడ్డలు తెలిసికోవాలన్న కోర్కెతోనే ఆదామేవలు పండు తిన్నారు.
