బసవోదాహరణము
3
మంగళమూర్తిచే బసవ
మర్దనుచే నసమానశౌర్యుచే
లింగకుమారుచే బసవ
లింగముచే బసవయ్యచేఁగృపా
సంగతుచేఁ బ్రసాదసుఖ
సౌఖ్యమునొందెద భక్తిఁజెందెదన్.
కళిక -
వెండియును వేదోక్తవిలసచ్చరిత్రుచే
దండిభవబంధనలతాచయ లవిత్రుచే
విధినిషేధాతీతవినుతైకగణ్యుచే
బుధజనప్రోద్గీత భువనాగ్రగణ్యుచే
ప్రవిమలశివాచారభవ్యప్రసారిచే
భవిజనపరిత్యాగి భక్తిబండారిచే
శివచిన్మయాపరిచ్ఛిన్న ప్రమోదీచే
పరమార్ధతత్త్వానుభవసుఖాస్వాదిచే
ఉత్కళిక -
సన్నతులగరిగట్టి మన్ననలతుదముట్టి
ప్రమథకవిలియకెక్కి విమలసంపదనిక్కి
శివలీలపెంపార భువి బసవఁడనుపేర
మెఱయు సువిధజ్ఞుచే నెఱయుతత్త్వజ్ఞుచే
చతుర్థీవిభక్తి :
చ. అతని ప్రసాదసౌఖ్యమున
కంగము కీర్తికిఁగర్ణముల్ గుణ
స్తుతులకు జిహ్వయుం జరణ
తోయజ సంగతికిన్ మనంబు స
