ఈ పుట ఆమోదించబడ్డది
బసవోదాహరణము
ప్రథమావిభక్తి :
ఉ. శ్రీగురులింగతత్పరుఁ డ
శేషజగన్నిధి శుద్ధతత్త్వసం
యోగ సుఖప్రపూర్తి వృష
భోత్తమమూర్తి యుదాత్తకీర్తి ది
వ్యాగమమార్గవర్తి బస
వయ్య కృపాంబుధి మాకు దివ్యసం
భోగములం బ్రసాదసుఖ
భోగములంగరుణించుఁగావుతన్
కళిక -
వెండియుఁ ద్రిభువనవినుతిసమేతుఁడు
మండిత సద్గుణ మహిమోపేతుఁడు
సురుచిర శివసమసుఖసంధానుఁడు
పరమపరాపరభరితజ్ఞానుఁడు
విదితానందాన్వీతమనస్కుండు
సదమలవిపులవిశాలయశస్కుఁడు
శ్రీవిలసితపదచిరతరభద్రుఁడు
గావున సాక్షాత్కలియుగరుద్రుఁడు
ఉత్కళిక -
భువనోపకారా భవమోదవీరా
భక్తిసంయోగా ముక్తిసంభోగా
సౌఖ్యాబ్దిలోన ముఖ్యుఁడై తాన
వెలయు శుభకరుఁడు ఇలవిశ్వగురుఁడు
