పుట:బసవపురాణము (పాల్కురికి సోమనాథుఁడు).pdf/415

వికీసోర్స్ నుండి
ఈ పుట ఆమోదించబడ్డది

సప్తమాశ్వాసము

శ్రీ శ్రితకంధర శ్రీపాదయుగ స - మాశ్రిత సంగనామాత్య సత్కృత్య
మఱియును భక్తధీమణి లసత్కీర్తి - కఱకంఠభక్తాగ్రగణ్యుఁడుత్తముఁడు
నసలార శివనాగుమయ్య సంప్రీతి - బసవనిచేఁబ్రణిపత్తిఁగైకొనుచు
ననయంబు భక్తిసుఖామృతాపార - వనధి నిమగ్నుఁడై వర్తింపుచుండ
బుడిబుళ్లువోవుచు భూసురులెల్లఁ - బుడమీశుకొలువుకుఁబోయి యిట్లనిరి
వ్యక్తిగా విను పెద్దభక్తులు వెద్ద - భక్తులంచును మన బసవయ్య వారిఁ
గడుఁగడుఁగొనియాడుఁబడుఁగాళ్లమీఁద - కుడిచిడించిన యది గుడుచు వెండియును
వెఱవక సభ్యునివిధి మిమ్ముఁ గదియుఁ - దఱియంగఁజొచ్చు నంతర్ని వాసములు
వారును బురవీథి వచ్చుచోఁదమ్ముఁ - జీరికిఁగైకోరు [1]సెంబలివారు
కథలేల కళ్యాణకటక మంతయును - బ్రథితంబు మాలల పాలయ్యె నింక
నెక్కడివర్ణంబు లెక్కడినీతు - లెక్కడిధర్మంబు లి ట్లేల చెల్లు
రాజులఁబొరయుఁదద్రాష్ట్రంబుపాప - మోజమాలినవారి నొగిఁబర్పకున్న
వినఁజెప్పకున్నఁదజ్జననాథుపాప - మనఘ పురోహితులను నవశ్యమును
బొందుఁగావునఁజెప్ప భూమీశ వలసె - నెందుఁబాపం బింకఁబొందదు మమ్ము
ధ్రువము"రాజా నుమతో ధర్మ" యనుట - యవనీశ యెఱుఁగవే యనుడుఁగోపించి
వసుధేశ్వరుఁడు బసవనఁబిల్వఁబనుప - నసమా[2]ను నందలం బర్థి నెక్కించి
శివనాగుమయ్యకుఁజే యిచ్చికొనుచుఁ - దివిరి యేతేరఁదద్ద్విజులు వీక్షించి
యదిగో మహారాజ యంతటఁబోక - కదియవచ్చెడు [3]మాలఁగలప నిచ్చటికి
డెందంబునను భయం బందమి సూడు - మందలం బెక్కించి యతనిఁదెచ్చెడిని
ఇంక నేరి కితండు శంకించు ననినఁ - గింకతో నగరివాకిలి సొరకుండ
వెలుపలికొల్వున విభుఁడున్న యెడను - నులుకక బసవయ్య యున్నతంబుగను
శివనాగుమయ్యకు సింహాసనముగ - భువిఁదనపై [4]చీర పుచ్చి పెట్టుచును

  1. సెంబలినారు
  2. మాన
  3. మాలుఁ
  4. కప్పు