72
బసవపురాణము
యా రుద్రుఁడతిదయాహసితాస్యుఁ డగుచుఁ - గోరతోఁ బాలెత్తుకొని యారగింప
“నన్నింత యేఁచితి పిన్నగాఁ[1]జేసి - మిన్నకపోదు మాయన్నకుఁజెప్పి
మఱికదా యున్నది మాట[2]లింకేల - కఱకంఠ! యింతయు మఱవకు”మనుచుఁ
గుడుక దెమ్మని పుచ్చుకొనుచు నబ్బాల - వడిగొని యింటికి వచ్చి నిత్యమ్ము
నిట్ల కొంపోయి తానిచ్చుచునుండ - నట్ల శివుండుఁబాలారగింపంగ
నూరికిఁబోయిన వారెదుర్గాఁగఁ - దా రేఁగుదెంచు నత్తఱిఁదొంటియట్ల
మృడుఁడు వాలారగిం[3]చుడు బాల రిత్త - కుడుకఁ [4]జేతను బట్టికొని యేఁగుదేరఁ
బొడగన 'యిట యెందుఁ [5]బోయెదు రిత్త - కుడుక యెచ్చటనుండి కొనివచ్చె'దనిన
'మీరు సెప్పినయట్ల మృడునకుఁబాలు - కోరతోఁ గుంచెఁడు గొలిచి కొంపోవ
నారగింపఁగ మ్రొక్కి యనయంబు నిట్లు - కోర యిమ్మన పుచ్చికొని వత్తు'ననిన
“నేనాఁటఁ ద్రావుఁ బాలీశుండు వడుచ - కానీవ త్రావితో కాదేని తోడ
నాడెడు పడుచుల కచటఁ[6] బోసితివొ? - యేడఁ [7]జల్లితివొ [8]మైయెఱుఁగవు గాక
తన్నుమహాభక్తతతి [9]యుద్దెసించి - పన్నుగా 'నారగింపవె దేవ!' యనుచు
నతిభక్తిఁ బ్రార్ధింప నారగించుటయు - క్షితి దుర్లభంబన్న నితరులతరమె?
యెట్టు నమ్మెడి దంచుఁబట్టిఁదిట్టుచును - 'నట్టెనఁజూత'మం చామఱునాఁడు
బాలచేతనె తండ్రి వట్టించుకొనుచు - లీలతోఁగుడికేఁగి పాలతోఁ గోర
ముంద[10]ఱిక్రమమున ముంద[11]ఱనఁ బెట్ట - నందికొనండయ్యె నా లింగమూర్తి
బాలముగ్ధత్వంబు ప్రవిమలభక్తి - [12]యీలోకమున వెలయింపంగఁ దలఁచి
యా శివదేవుఁడు నంతఁ గోపించి - [13]యోసి! నేఁడేల పాలొల్లండు ద్రావ
ముక్కంటిముట్టెనే [14]మూర్కొన్నె చెపుమ - పెక్కులు వ్రేలితి [15]వక్కజంబుగను
శివునకు నని యుద్దెసించినపాలు - దవిలి నిత్యంబును ద్రావినద్రోహి!
పొట్టవ్రచ్చెద[16] నెందుఁ బోయెద'వనుచు - గట్టుగ్రమునఁగూడ [17]ముట్టుడు మున్న
బాల వాపోవుచు బలువిడినేఁగి - [18]హాలింగ! హాలింగ! హాలింగ! యనుచు
- ↑ జూచి
- ↑ మాటలేలిఁకను
- ↑ పుడు
- ↑ దాఁజేఁబట్టుకొనుచు నేతేర
- ↑ బోయితి కొన్ని ప్రతులలో 'యెందువోయెదు' అని కలదు. 'ఎందు, అందు, ఇందులు' ప్రథమాంతముగాఁ గళగాఁజెప్పదగియున్నవి
- ↑ నిచ్చితివొ
- ↑ జల్లితొదేహ
- ↑ మైయెఱుఁ , మెయ్యెఱుఁ,
- ↑ యుద్దెశించి
- ↑ టి
- ↑ ట
- ↑ యీ లోకులకు
- ↑ యోశి!
- ↑ ఇక్కడ 'మూర్కొన్నె మూర్కొనెనె, అనునర్థమునఁ గలదు. “ముట్టునేమూర్కొన్నె” అని యెక్క ప్రతిలోనున్నది. మఱియుఁ గొన్నింట “మూర్కొనెనె' అని గణభంగముగాఁగలదు.
- ↑ ప్రేలరిపడుచ
- ↑ నెందువోయెద
- ↑ ముట్టెడు
- ↑ హాలింగ! హాలింగ! యనుచుడగ్గఱుడు.
