పుట:ప్రభావతీప్రద్యుమ్నము (పింగళి సూరన).pdf/97

తే.⁠

నీవ కద ప్రభావతి యన నిన్ను మున్ను తరుణి నే వింటి రాగవల్లరియె బోటి పేరు నీ విపు డన వింటి మీ రిరువురు నీ యెఱుక మఱచెదరు సూ పోయి వత్తు.

⁠ 64

ఉత్సాహ.⁠

అనుచు గగనభాగమునకు నంచ యెగయఁజూచిన దనుజకన్యకాలలామ తనదు రెండుచేతులన్ వినయ మొప్పఁ బొదుగఁ బట్టి వేన వేలుభంగులన్ దనరఁ బ్రియము జెప్పుచును ముదం బెలర్ప నిట్లనున్.

⁠ 65

సీ.⁠

నిద్దంపుఁబండువెన్నెల గాయుఱెక్కల             యొప్పు చూడఁగ నొక్కయుత్సవంబు మెఱుఁగుఁదీఁగెలబాగు మించుపక్షాంతహా             టకరేఖ లరయ నొండొకప్రియంబుఁ గమనీయ మగుమహాగమనగాంభీర్యాది             విలసనం బీక్షింప వేఱె యింపు మాధుర్యధుర్యకోమలవచనామృతం             బనుభవింపఁగఁ గౌతుకాంతరంబుఁ

⁠

తే.⁠

గలుగఁ జేయుచు నువ్విళ్ళు గొలుపునీదు సంగతి యొకింత గని యెట్లు జాఱవిడుతు నింక రాగవల్లరి పేరు నీవు నిజము ననఁగ నీతో నొనర్తు నెయ్యంపుఁజెలిమి.

⁠ 66

ఆ.⁠

ప్రణయ మొప్ప మిగులఁ బ్రార్థించుచున్నట్టి న న్ననుగ్రహించి నాదుచెలిమి కొడఁబడంగవలయు నోహంసభామినీ యనుచు వేఁడుకొనఁగ నంచ పలికె.

⁠ 67