పుట:ప్రభావతీప్రద్యుమ్నము (పింగళి సూరన).pdf/89

⁠

తెలుపరే దయఁ జూచి మలయవాయువులార             వజ్రపురికిఁ బోవువారె మీరు

⁠

తే.⁠

చలువ లొసఁగెడు మేఘరాజంబులార యమలపక్షత నొప్పు రాయంచలార నిలిచి నామాటలకు మాఱు పలుకరయ్య వజ్రపురికిని బోయెడువారె మీరు.

⁠ 29

క.⁠

అని పలుకుచున్న సమయం బున నొకశుక మభ్రమార్గమున నేఁగుచు నా తనిదీనాలాపంబులు విని కారుణ్యమున నిలిచి విస్ఫుటఫణితిన్.

⁠ 30

ఆ.⁠

ఏను వజ్రపురికి నేఁగెడుదాన నా వలనఁ గార్య మేమి కలదు నీకుఁ దెలుపు మొకటిరెండుపలుకుల ముగియఁగా ననుచుఁ బలుకుటయును యాదవుండు.

⁠ 31

సీ.⁠

ఓపక్షివర విను మాపురి శుచిముఖి             యనుపేరి యొకరాజహంసి యుండు నది యున్నచోటు నీ వరసి యీపత్రిక             యందింపవలయు మత్ప్రార్థనమున నన విని యాచిల్క యట్ల చేసెద సహా             యంబు పోయెద మాట లాడ నాకు లే దవకాశంబు లేశమాత్రంబును             నాదుపక్షంబులనడుమ లేక

⁠

ఆ.⁠

యొరుల కెఱుకపడక యుండునట్లుగఁ గట్టు మతిరయంబుతోడ ననుచు నతని

⁠