పుట:ప్రభావతీప్రద్యుమ్నము (పింగళి సూరన).pdf/88

చ.⁠

వినుకలిచేతనే విరహవేదన నామది నింత వర్ధిలెన్ గనుకలి నిట్లు చిత్రఫలకంబునఁ గాంచినయింతి నెమ్మనం బుసఁ గడు నింత కెంత పరిపూర్తి వహించునొ ఎంత నొచ్చునో ఘన మని వింటిఁ జిత్తరువుఁ గన్గొనుప్రేమయు నేమి సేయుదున్.

⁠ 25

ఆ.⁠

అందుమీఁద హంసి యరిగి నాతోడఁ దా మాటలాడుటయును మద్విధంబుఁ దెలుప నాస లేమి దలపోసి యె ట్లౌనొ చెలువ యకట యేమి సేయువాఁడ.

⁠ 26

మత్త.⁠

అంచతొయ్యలి దేవతాపతియానచొ ప్పొసరించి యే తెంచు టెన్నఁడు దానిచేత మదీయహృద్గతిఁ జెప్పి యేఁ బంచు టెన్నఁడు గావున న్వెసం బత్రికన్ లిఖియించి యా యంచ కిప్పుడు పంచెద న్సతి కంత దెల్పెడు నట్లుగాన్.

⁠ 27

వ.⁠

అని తలంచి యాక్షణంబ శుచిముఖపేర లేఖ వ్రాసి యిది గొంపోవువా రెవ్వ రని నివ్వటిల్లెడుచింత నంతరంగంబు గలంగ సుద్యానమధ్యంబునకుం గ్రమ్మఱ నరుగుదెంచి యత్తఱి నుత్తరంబు చనువాని నెల్ల నుద్దేశించి తద్దయు దుర్దమం బైనవిరహార్తికతన వార్తాహరణయోగ్యాయోగ్య వివేకంబు లేక యి ట్లనియె.

⁠ 28

సీ.⁠

కృప నెఱిఁగింపరే కీరోత్తమములార             వజ్రపురికిఁ బోవువారె మీరు సదనుగ్రహమునఁ దుమ్మెదలార చెప్పరే             వజ్రపురికిఁ బోవువారె మీరు కరుణతో వినిపింపఁ గదరె కోయిలలార             వజ్రపురికిఁ బోవువారె మీరు

⁠