పుట:ప్రభావతీప్రద్యుమ్నము (పింగళి సూరన).pdf/87

వ.⁠

అతం డివ్విధంబునం బ్రభావతీవిభ్రమభ్రమవశంబున లత లతఁ దప్పకుండఁ గదియం జనుచు.

⁠ 20

సీ.⁠

తరుణికెంగే లంచుఁ దమిఁ బట్టి కటకటా             చిగురాకె యిది యంచుఁ జిన్నవోయి వెలఁదిపాలిం డ్లంచు వెస నంటి చెల్లఁబ్రో             పూగుత్తులే యంచుఁ బొలుపు దఱిగి చెలువపయ్యెద యంచుఁ జేసాఁచి యయ్యో ప             రాగోదయమె యంచు రహి దొఱంగి రమణివేనలి యంచు రతికాంక్ష నొడిసి హా             తేఁటిమొత్తమె యంచుఁ దెల్లఁ బాఱి

⁠

తే.⁠

యకట యనిమిత్తకృపఁ దాన యరుగుదెంచి హితవు నెరపెడిహంసితో హృదయ మిచ్చి పలుకనికృతఘ్నునకు నాకుఁ బ్రాప్త మగునె యట్టియువతిపొం దనుచుఁ దా నాత్మఁ గుందు.

⁠ 21

వ.⁠

అంత నంతర్గతంబున.

⁠ 22

తే.⁠

ఉవిద నాకుఁ బ్రాపించు టటుండ నిమ్ము హంసి యిఁక నొకమఱి చూడ నబ్బునేని నాదుకన్నులు కన్ను లెన్నంగ నేన యగ్రగణ్యుండ ధన్యాత్ములందు నెల్ల.

⁠ 23

ఆ.⁠

వచ్చునొకొ సురారివార్త చెప్పఁగఁ దాను వచ్చి కడలఁ బోక యిచ్చటికిని దెచ్చునొకో ప్రభావతీక్షేమవృత్తాంత మాత్ర మయిన నంచమగువ నాకు.

⁠ 24