పుట:ప్రభావతీప్రద్యుమ్నము (పింగళి సూరన).pdf/86

⁠

ట్లోపెడును దానిఁ జూచిన జూపఱకును వశమె తిరుగఁ జూడక యుండన్.

⁠ 15

క.⁠

అని భావనాబలంబున మనమున ఘటిత మగుమగువ మధురాకృతి య క్కునఁ జేర్పఁ గడఁగి తత్తఱ మునఁ గానక వెగడుపడుచుఁ బొదలు విరాళిన్.

⁠ 16

వ.⁠

ప్రొద్దు గడపుట తద్దయం భరం బగుడు నుద్యానంబునకుం జనియె నప్పుడు.

⁠ 17

సీ.⁠

నిబిడంపుజిగితోడ నిండుపూగుత్తులు             బిగువుపాలిండ్లయొప్పిదము నెరప నునుఁగెంపు గ్రక్కునూతనపల్లవంబులు             కరతలంబులసోయగంబుఁ దెలుప నెలమిఁ బర్వెడునట్టియెలదీఁగియలసొంపు             సుకుమారబాహువిస్ఫురణ జరుపఁ గడుఁ బేరెములు వాఱు గండుఁదుమ్మెదచాలు             కడకంటిచూపులబెడఁగు నడప

⁠

తే.⁠

విరుల తెలిడాలు చిఱునవ్వుసిరులఁ జిలుక మధురసపునిగ్గు లావణ్యమహిమ గులుక నతనిచూడ్కికిఁ జూడ నుద్యానభాగ మంతయుఁ బ్రభావతీమయం బగుచుఁ దోఁచె.

⁠ 18

ఆ.⁠

యువతిపై విరాళి యొక్కింత మఱతునో యనుచు నాస నేఁగి యచట నతఁడు మఱచెఁ దదితరంబు నెఱయంగ నిది సుమీ యొకటి కోర వేఱ యొకటి యగుట.

⁠ 19