పుట:ప్రభావతీప్రద్యుమ్నము (పింగళి సూరన).pdf/69

⁠

గుదియింప వచ్చునేనిన్ బదరక నిమిషంబు నిలిచి భాషింపఁదగున్.

⁠ 49

చ.⁠

అనుడు రహస్యమైనదియె యౌను భవత్పరిపృష్ట మెంతయున్ జనక నిమేషముం దడయ సంగతి గాదును మాకు నైన నీ వనఁగ జనార్ధనుం డనఁగ నారయ భేదము లేదు కావునన్ విను వినిపింతు మాపనియు నీదుప్రసంగముమున్ను కల్మియున్.

⁠ 50

వ.⁠

అని శుచిముఖి యిట్టట్టు పలుకఁ గొంకి నలువంకలుఁ బాఱఁ జూచుటయు నాచూపు వెంటనే శంబరాంతకుచూపు దీపితైకాంతకాక్షం బగుచుం బరఁగినఁ బరిజనసమా నంబుగా మాననీయులు నాయన యున్నచోటికిఁ గడు నెడ గలుగఁ దొలంగి చని రంత నంతఁ గంతు నభివీక్షించి యంచచెలువ చెలువంపుఁజెలువు గులుకుకలికిపలుకులకల కలంబు వీనుల కపూర్వపర్వం బగుచుఁ బర్వుచుండ ని ట్లనియె.

⁠ 51

క.⁠

వినవయ్య వజ్రనాభుం డనియెడునొకదైత్యు ఁ జంప యత్నము సతతం బును నడచుచున్నయది బహు దినములనుండియును హరికి దేవేంద్రునకున్.

⁠ 52

క.⁠

తమకంటె మున్ను వాఁడే తమమీఁదట నేమి కీడు దలఁచునొ యనుచున్ మము వారు వేగు పంపఁగ నమరాహితువీటి కిప్పు డరిగెద మనఘా.

⁠ 53

వ.⁠

అనిన విని యతండు.

⁠ 54