పుట:ప్రభావతీప్రద్యుమ్నము (పింగళి సూరన).pdf/58

శ్రీరస్తు

ప్రభావతీప్రద్యుమ్నము

ద్వితీయాశ్వాసము

⁠

చణగౌతమగోత్ర ప్రాచీనామాత్య కీర్తిభామావిష్వ ద్రీచీనగమనశిక్షై కాచార్యుఁడు సూరమంత్రి యమరార్యుఁ డిలన్.

⁠ 1

వ.⁠

ఆసహస్రాక్షుం డపేక్షితప్రయోజనానుకూల్యంబుకంటె నా పెంటిరాయంచయంచితవచనరచనావిచక్షణత్వంబు చిత్తం బునకుం గొత్తయింపుసొంపు సంపాదింపుచుం బెంపు మీఱ నింపులగు మెచ్చు నచ్చెరువు నిచ్చలంబులై తనర ని ట్లనియె.

⁠ 2

సీ.⁠

శబ్దసంస్కార మెచ్చటను జాఱఁగనీక              పదమైత్రి యర్థసంపదలఁ బొదలఁ దలఁపెల్ల నక్లిష్టతను బ్రదీపితముగాఁ              బునరుక్తిదోషంబు పొంతఁబోక యాకాంక్షితస్ఫూర్తి యాచరించుచును శా              ఖాచంక్రమక్రియఁ గడవఁ జనక ప్రకృతార్థభావంబు పాదుకో నదుకుచు              నుపపత్తి యెందు నత్యూర్జితముగ

⁠