పుట:ప్రభావతీప్రద్యుమ్నము (పింగళి సూరన).pdf/54

⁠

మదియు వేకువఁ గావున నచిరభావి ఫలము దేవేంద్ర నీ వెంచి తెలిసికొనుము.

⁠ 128

వ.⁠

ఆకన్నియపేరు ప్రభావతి యగుటయు నది వజ్రనాభుని కూఁతు రగుటయుఁ దదీయస్వప్నకథనానంతరప్రవృత్తంబు లయిన యమ్మత్తకాశినుల యుత్తరప్రత్యుత్తరంబులవెంబడి నెఱుంగంబడియె నవియుం గొన్ని వివరించెద భవదీయ కార్యోపకారి యైనయంశంబు గలిగిన గ్రహించునది యని యాయంచగరిత యకించిదంచితసహజమాధురీధురీణవాణీ రామణీయకంబు కార్యకామనీయకంబున నినుమడించి బిడౌ జునిబిడౌజుం జేయుచుండ నిట్లనియె.

⁠ 129

క.⁠

విను మట్లు తనదుకల చె ప్పినయాయమఁ జూచి దానిప్రియసఖి యనయం బును వెఱఁగందుచు మెచ్చుచు వనితా నీ వెంతభాగ్యవతివే యనుచున్.

⁠ 130

వ.⁠

శిరఃకంపం బొనర్చి.

⁠ 131

తే.⁠

మునుపు గౌరివరంబుచేతనే జనించి తబల నీవె నిన్గన్న మీయమ్మ నేమ మట్టి దిట్టిది నాఁ జన్నె యగజ నీవు నింత మెప్పించుకొంటి నీ కెవ్వ రీడు.

⁠ 132

చ.⁠

వలిమలయాఁడుబిడ్డ కల వచ్చి యనుగ్రహ మెంతయేనియుం గలుగక యిట్లు చిత్రఫలకంబున నీకు లిఖించి యిచ్చునే చెలువుని నింతదృష్టముగఁ జెప్పెద నొండొకపోఁతుటీఁగకున్ బొలయఁగ రానిచోట నిది పుట్టుట నె గ్గగు నీదుతండ్రిచేన్.

⁠ 133