పుట:ప్రభావతీప్రద్యుమ్నము (పింగళి సూరన).pdf/53

⁠

గుణములఁ గొమరొందు కొమరుఁబ్రాయపువాని              వ్రాసి యితండ నీవల్లభుండు ప్రద్యుమ్నుఁ డనియెడు ప్రభుకుమారుఁడు మీకు              నిద్దఱకును జనియించినట్టి

⁠

తే.⁠

పుత్త్రుఁ డీపురి యేలు నోపొలఁతి యనుచుఁ బలికె నఁట నేను నచటిపెద్దలు గఱపఁగ మ్రొక్కి యనిపితి నఁట యిందు నిక్క మగుచుఁ బడఁతి యున్నది తచ్చిత్రఫలక మిపుడు.

⁠ 126

మ.⁠

అనుచు న్నెచ్చెలితోడ నచ్చెలువ య ట్లత్యద్భుతస్వప్నమున్ వినిపింప న్నికటంబున న్మెలఁగుచున్ వింటి న్సురాధీశ దా నన యే నెన్నిక నిర్ణయించితి మదిం దథ్యంబుగా వజ్రనా భునకుం గాలము చేరువౌట యిది నీబుద్ధి న్వివేకింపుమా.

⁠ 127

సీ.⁠

ఆయింతిఁ బ్రద్యుమ్నుజాయగాఁ బలికిన              గౌరిమాటకు బొంకు గలుగ దనుము దనుజవిరోధిపుత్త్రునకు నాదుష్టదై              త్యుఁడు తనంతఁ దనూజ నొసఁగఁ డనుము ప్రద్యుమ్నుఁ డట్లు ప్రభావతీపతి యైన              దానవునకుఁ బోరు తప్ప దనుము వజ్రపురము ప్రభావతికొడు కేలుట              యసురకు జయ మైనఁ బొసఁగ దనుము

⁠

తే.⁠

చిత్రఫలకంబు ప్రత్యక్షసిద్ధ మగుటఁ జేసి యాకల యధికవిశ్వాసయోగ్య

⁠