పుట:ప్రభావతీప్రద్యుమ్నము (పింగళి సూరన).pdf/51

చ.⁠

తడవులఁ బట్టి యేము సతతంబును బోదుము వానివీటికిన్ గడు మతి చాలమిం గడుపుఁగక్కుఱితి న్సురలోకనాథ మా యెడఁ గలయట్టిత ప్పిది సహింపుము పక్షులమౌట నొక్కవెం బడి నిది చెల్లెఁగాక రిపుప్రాంతము చేరెడువార లాప్తులే.

⁠ 118

వ.⁠

ఏమునుం బోక మానెద మని తలంతు మేని.

⁠ 119

సీ.⁠

గగనస్రవంతిలోఁ గలసువర్ణాబ్జంబు              లందు మేలేర్చి తా నపహరించి మానసంబు శఠాత్ముమానసంబును బోలె              నిస్సారసత్వంబు నెరయఁ జేసి బిందుసరంబులోఁ గుందనపుందమ్మి              పేరు లే కుండంగఁ బెల్లగించి సౌగంధికాఖ్యకాసారంబు జలమాత్ర              శేష మై దీనతఁ జెందఁ జేసి

⁠

తే.⁠

మఱియుఁ గలదివ్యసరసులు నెఱయఁ జెఱిచి తనదు కేలిదీర్ఘికలందుఁ గనకనలిన జాతు లెల్ల నాటించినాఁ డాతఁ డింద్ర యటు చనక మేఁత నడుచునే హంసములకు.

⁠ 120

వ.⁠

అది యట్లుండె నట్లు వజ్రపురంబునం గలకొలంకులం దటాకంబులం గేళాకూళుల బొడ్డనబావుల నడ్డపెట్టు లేక విహరించుటకు వజ్రనాభుముదల యడిగి తజ్జలాశయంబు లన్నింటికి నస్మదీయసంక్రీడనంబుకలిమి యలంకారం బగుట యెంచి యతం డంగీకరింప యథేష్టవిహరణంబుల నహరహంబునుం బ్రవర్తిల్లుచున్న యేము నిన్నఁ గన్య కాంతఃపురంబున నొక్కసరోవరంబునం బరఁగుతఱి

⁠