పుట:ప్రభావతీప్రద్యుమ్నము (పింగళి సూరన).pdf/48

వ.⁠

అనుచుఁ దలంగి పోక యిట్టు నట్టుం జుట్టు మెట్టాడుచిట్టివడు గుల నానట్టు నగవునుం గోపంబుఁ గదుర నదలించుచుం దనమేళగాండ్ర నాలోకించి యిబ్బాలకులు మనవాలకపు సొమ్ములందు నేమేనియు నవహరించుటకు నఱ్ఱాడుచున్న వారు మీర లీమ్రుచ్చుల నెచ్చరికం గనిపట్టుకొని యుండుఁ డనుటయు నుదరిపడుచు నప్పడుచులు గడుసుఁదనంబునఁ నతని నధిక్షేపించి.

⁠ 107

సీ.⁠

ఏము మ్రుచ్చులమె యూహింప మ్రుచ్చుఁదనాల              పుట్టినయిండ్లు మీబోంట్లె కాక యాటవాండ్రని నమ్మి యనుమతింపఁగ నెట్టి              పుర మైన నశ్రమంబునను జొచ్చి పగలెల్ల నాటల బ్రమయించుచును సందు              గొందులెల్ల నెఱింగికొనుచు రేలు కన్నగాం డ్రగుచు నగళ్ళు ప్రవేశించి              యందు నెంతటివార లడ్డ మైనఁ

⁠

ఆ.⁠

జక్కడఁచుచుఁ బేను గ్రుక్కినపాటిగా నిష్ట మైనయర్థ మెల్లఁ బడసి బ్రతుకు చునికి మీస్వభావ మింతయును ద ప్పదు యథార్థ మనుచుఁ బలుకుటయును.

⁠ 108

మ.⁠

వనజాక్షుం డపు డింద్రకార్యముదెస న్వర్థిల్లుచిత్తంబుతో ననికి న్వజ్రపురంబుఁ జొచ్చుట కుపాయాన్వేషియై యున్కిఁ జే సి నిజాపేక్షకు నుత్తరంబుగ గ్రహించె న్విప్రవాక్యం జనా ర్దన యన్మాట యథార్థ మై పరఁగఁ దద్వాక్యక్రమం బంతయున్.

⁠ 109