పుట:ప్రభావతీప్రద్యుమ్నము (పింగళి సూరన).pdf/47

⁠

చులు వెసఁ బుచ్చివైచి కడుసొంపులు గాఁ బొగడించుకోఁజుమీ తలఁపఁగ నిప్పు డింత తెగుదారుల మైతిమి భద్ర నావుడున్.

⁠ 102

క.⁠

ఎలన వ్వొలయఁగ నాతఁడు కలయఁగ నవి చుట్టి పట్టి గంభీరపుఁబే రెలుఁ గొప్ప నొహోహో యని పలుమఱు నెగురంగ వైచి పట్టుచు వేడ్కన్.

⁠ 103

సీ.⁠

వేదసౌరభములు వెదచల్లఁ గలశుచి              బ్రాహ్మణజాతికోరకములార పరిశుద్ధి పెంపొందు బ్రహ్మవర్చసపావ              కస్ఫూర్జితస్ఫులింగంబులార యరయ నట్టిక సీలలంత లయ్యును బింక              మున బ్రహ్మశిఖి ముట్టు ప్రోడలార దంటమాటలకు ధౌర్త్యమునకు నానతి              పడిపట్టినట్టి సత్ప్రాజ్ఞులార

⁠

ఆ.⁠

చిన్నవడుగులార వెన్నునివామన త్వంబు నభినయించుతండ్రులార మీప్రసాద మిది సమృద్ధికారణము మా కఖిలకార్యముల మహాత్ములార.

⁠ 104

వ.⁠

అని పొగడిన నవ్వి యవ్వటువులు దుండగంబున.

⁠ 105

ఆ.⁠

ఓరియాటకాఁడ యీరీతియఱపులా పొగడు టనఁగ మెచ్చు పుట్ట దిందు మగుడఁ బుచ్చుకొనఁగఁ దగదు నీవంటిన గోఁచు లిపుడు పుచ్చుకొనక చనము.

⁠ 106