పుట:ప్రభావతీప్రద్యుమ్నము (పింగళి సూరన).pdf/40

ఉ.⁠

ఆతఁడు మొన్న నున్నతమదాంధత దాడిగ నేఁగుదెంచి యా పోతర మేమి చెప్ప ననుఁ బూరికిఁ గైకొన కప్సరోవధూ వ్రాతనిశాతపాణిరుహవారిసలాలసనవ్యపల్లవం బై తనరారునందనమహావనిలో విడియించె సేనలన్.

⁠ 72

సీ.⁠

దనుజాధిరోహతాడనభంజనాదుల              కోర్చునే కల్పవృక్షోత్తమములు శోష్యపర్యుషితమనుష్యమాంసంబులు              పూనునట్టివియె సంతానకములు దానవద్విపఘటాలానతాదురవస్థ              సైరించునే హరిచందనములు మనుజఖాదిస్వేదమలినవస్త్రాదులు              దాల్పఁ బాలివియె మందారతరులు

⁠

తే.⁠

నందనమునకును వజ్రనాభదైత్యుఁ డపుడు చేసినకష్టపా టబ్జనాభ యిపుడుఁ దలఁపునఁ బాఱిన హృదయమునకు నధికతర మైనపరితాప మావహిల్లు.

⁠ 73

తే.⁠

వాని కెదిరించి పోర దేవతలలోన నెవ్వరును జాల రిది బ్రహ్మ యిచ్చినట్టి వరములోపలియదియ పంకరుహనాభ మది కలఁకఁజేసి మును చెప్ప మఱచినాఁడ.

⁠ 74

వ.⁠

కావున వానిచేత లన్నియు నప్రతిహతంబు లయి సాగు చుండె నంత నేనును బృహస్పతియును విచారించుకొని యద్దురాత్మునకు.

⁠ 75